Dore impamvu abantu bashaka kureka kunywa inzoga bibagora

Kureka inzoga ni urugendo rutoroshye abantu benshi bahura nazo. Urugendo rukubiyemo inzitizi zitandukanye z'umubiri, imitekerereze, ndetse n'imibereho. Gusobanukirwa n’impamvu zingenzi zatuma utareka inzoga, bishobora kugufasha gukemura iki kibazo no gufata ingamba zifatika.

 Guta umutwe no gushaka ukuba hafi

Umubiri wabaswe n'inzoga, ugira ibimenyetso byo kwigunga n’ibindi binyuranye iyo uhagaritse kunywa inzoga. Ibi bimenyetso birashobora gutandukana bitewe n’impamvu runaka. Twavuga guhangayika no guhinda umushyitsi, kugira ikibazo cyo mu mutwe ndetse no kubona ibidahari. Reroiyo byarenze, kunywa inzoga buri gihe, biha uyinywa kumva bimwihanganishije. Ubwo umubiri usaba inzoga nyinshi kugira ngo wiyibagize ingaruka zimwe na zimwe, bigatuma kureka bigorana kuko uba wirinda gusubira mu bubabare.

Kugira irari no Kwishingikiriza ku marangamutima

Mu mitekerereze, inzoga zitera sisitemu yo gushimisha (guhemba) ubwonko, bigatera irari rikomeye. Abantu benshi bakoresha inzoga nk'uburyo bwo guhangana n'imihangayiko, kwigunga, cyangwa kwiheba, bigatuma bigorana kubihagarika, igiye uri umunyantege nke. Byongeye kandi, kunywa inzoga cyane ubuzima n’imyitwarire bisanzwe, ibyo bihuriweho n’abahuje imico cyangwa ibyo bakora, ahantu, cyangwa igihe runaka. Ibyo bikagora cyane mu kureka inzoga.

 Imyitwarire mbonezamubano n’umuco 

Imibereho isanzwe y’abantu benshi ikubiyemo kunywa inzoga. Ibyo bitera igitutu cyangwa agahato ko kuyinywa bityo kwifata bikagorana. Mu mico myinshi, kunywa inzoga n’ibintu bisanzwe, gufata icyemezo cyo kuyireka, bituma kumva ko uraba uri wenyine cyangwa ugasuzugurwa. Byongeye kandi, kuboneka cyane kw’inzoga ndetse byoroshye, bituma gufataumwanzuro no kwirinda kuyinywa bigorana.

 

Uburyo bwo guhangana n’ibi bibazo

Nubwo hari ibibazo, kureka inzoga birashoboka, iyo wafashe n’ingamba nziza. Ushobora guterwa inkunga n’inshuti, umuryango, hamwe n’itsinda nka Alcoholics Anonymous (AA) ishobora kukugira inama nzima zigufasha guhagarika kunywa inzoga. 

Ushobora kandi guhabwa ubufasha bw'umwuga, harimo nk’ubujyanama n’ubuvuzi bushobora gufasha mu guhangana n’ibimenyetso byo gucibwa, kwifuza, kimwe n’ibibazo by’amarangamutima. Kwiga imico mishya kandi mizima ni ibikorwa byafasha kureka kunywa inzoga. 

 Muri byo twavuga nko gusobanukirwa n’ingaruka mbi z’inzoga n’ibyiza byo kuzireka, gukora imyitozo ngororamubiri, n’ibindi.