Tour d’Algérie 2026: Masengesho Vainqueur yanditse amateka, yegukana umwanya wa kabiri

 

Umunyarwanda Masengesho Vainqueur yashoje isiganwa mpuzamahanga ry’amagare rya Tour d’Algérie ryasojwe kuri iki Cyumweru, tariki ya 26 Mata 2026, ari uwa kabiri ku rutonde rusange. Uyu musore yerekanye ubutwari budasanzwe aho yarushijwe amasegonda 19 gusa n’Umunya-Indonesia, Rizqi Dimas Nur, wegukanye isiganwa.

Urugendo rutoroshye mu gace ka nyuma 

Isiganwa ry’uyu mwaka ryari rigizwe n’uduce 10 ku ntera y’ibilometero 1,282. Masengesho yinjiye mu gace ka nyuma (Alger - Tizi Ouzou, 105km) afite icyizere cyo gukuramo amasegonda 19, ariko birangira anganyije ibihe na Rizqi Dimas bakoresheje amasaha 26 n'amasegonda 28 kuri uru rutonde rusange.

Intambwe ikomeye ugereranyije na 2024 

Uyu musaruro wa Vainqueur uje ushimangira kuzamuka kwe, dore ko muri Tour d’Algérie ya 2024 yari yasoje ari uwa cyenda. Kuri iyi nshuro, yari ayoboye ikipe y’u Rwanda (Team Rwanda) yari igizwe n’abakinnyi bakiri bato (munsi y’imyaka 23), barimo:

• Ntirenganya Moïse (wa 23)

• Ufitimana Shadrack (wa 27)

• Uhiriwe Espoir (wa 40)

• Twagirayezu Didier (wa 47)

• Nshutiraguma Kevin (wa 55)

Muri rusange, abakinnyi 82 nibo bashoboye gusoza iri siganwa ryari ryatangiye ririmo abasaga 100.

 Sabastian Sawe aciye agahigo k’amateka muri London Marathon 2026