Ruhango: Umuturage yagwiriwe n’igikuta cy’ishuri ahita apfa ubwo yari mu muganda

Agahinda kenshi kamaze gutaha mu muryango wa Nyandwi Emmanuel, umugabo w’imyaka 45, wahitanywe n’impanuka idasanzwe yabereye mu muganda mu Karere ka Ruhango.

Uko byagenze mu Murenge wa Mwendo 

Kuri uyu wa Gatandatu, abaturage bo mu Mudugudu wa Nyamigina bari bakereye umuganda wo gusenya ibyumba by’amashuri bishaje mu Rwunge rw’Amashuri rwa Mwendo (R). Ibi byumba byubakishije rukarakara byasenywaga kugira ngo bitazateza akaga abanyeshuri, dore ko hari hamaze kubakwa ibindi bishya.

Umunyamabanga Nshingwabikorwa w’Umurenge wa Mwendo, Nemeyimana Jean Bosco, yasobanuye ko ubwo abaturage bari muri icyo gikorwa, habayeho gutungurwa n'igikuta cyaguye mu buryo butunguranye.

"Muhirika igikuta kimwe, ikindi gihita kiza gifata umwe mu baturage bacu. Bari benshi, bamwe babashije kugihunga ariko we kiramugwira." — Gitifu Nemeyimana.

Icyemezo cya nyuma 

Umurambo wa Nyandwi Emmanuel wajyanywe mu bitaro bya Kabgayi i Muhanga. Ubuyobozi bugaragaza ko uyu muturage yitabye imana mu gikorwa cy'inyungu rusange, kandi ko hagiye gutegurwa gahunda yo kumushyingura mu cyubahiro.

 Gicumbi: Umugabo yakomerekejwe bikomeye nyuma yo kutumvikana ku mafaranga n'indaya!