INTAMBARA Y'INGUGE: Ubushakashatsi bwerekanye ukuntu inguge zahoze ari inshuti zatangiye kwicana muri Uganda

 

Ubushakashatsi bushya bwashyizwe hanze ku wa 9 Mata 2026, n’abahanga muri Kaminuza ya Michigan na Texas muri Amerika, bwerekanye ishusho iteye ubwoba y’amakimbirane yabaye hagati y’imiryango ibiri y’inguge muri Pariki ya Kibale muri Uganda. Izi nguge zahoze zibanye neza mu gihe cy’imyaka 20, zahindutse abanzi mu buryo butunguranye, batangira kwicana mu buryo bw’agashinyaguro.

Ingingo z’ingenzi zavuye mu bushakashatsi:

• Igihe byatangiriye: Ubushyamirane bwatangiye mu 2015, ariko bugera ku ndunduro mu 2018 ubwo imiryango yo mu Burengerazuba n’iyo Hagati yatandukanaga burundu.

• Umubare w’izapfuye: Iyi ntambara yasize inguge 29 zishwe, harimo n’ibyana 19.

• Agashinyaguro kadasanzwe: Abashakashatsi (John Mitani na Aaron Sandel) bagaragaje ko izi nguge zakoreshaga ubugome bukabije, birimo guca udusabo tw'intanga tw'inguge z'ingabo, kuzikubita ibipfunsi, no kuzirya.

• Intego y'intambara: Umuryango wo mu Burengerazuba wagabye ibitero ku wo Hagati ugamije kwagura ubutaka, bituma umubare wazo uzamuka uva kuri 76 ugera ku 108.

Isesengura rya Inganjinews

Iyi nkuru irerekana ko kamere muntu yo kurwanira ubutaka n’imbaraga (power struggles) itasize n’inyamaswa dusangiye imiterere y’umubiri (DNA). Kuba inguge zaramburaga abana ba nyina zikabica, cyangwa zigahurira ku ngabo imwe zikayica udusabo tw’intanga, ni uburyo bwo guca intege umwanzi ngo atazongera kororoka .

Ibi bitanga isomo ku muryango mugari w’abantu: Niba inyamaswa zishobora kuva mu mibanire myiza y’imyaka 20 zikajya mu ntambara yeruye bitewe n’inyungu z’ubutaka, bishimangira ko amahoro ari ikintu cyo guharanirwa buri munsi. Nk’uko abashakashatsi babivuze, ibyabaye muri Kibale ni isomo ry’ukuntu imibare y’abantu  n’ubushamirane bwo gushaka ubutaka bushya bishobora gusubira inyuma vuba niba nta bwumvikane buhari.

 RUTSIRO: Ingo ziri gusenyuka kubera umuco wo ‘kuzitura’ wadukanwe n’abagore