Integuza: Inoti za kera z’u Rwanda (2004-2015) zigiye kuvanwa ku isoko
Banki Nkuru y’u Rwanda (BNR) yatangaje ko inoti zimwe na zimwe zakozwe hagati y’umwaka wa 2004 na 2015 zigiye guhagarikwa gukoreshwa mu Rwanda. Izi noti zizata agaciro mu kwishyurana guhera ku wa 1 Werurwe 2027, bivuze ko abazifite bafite umwaka umwe wo kuba bazihinduje inshya.
Uyu mwanzuro ushingiye ku Iteka rya Perezida N°11/01 ryo ku wa 27 Gashyantare 2026, ryasohotse mu Igazeti ya Leta ku wa 2 Werurwe 2026.
Inoti zizakurwaho ni izihe?
Zirikana ko inoti zizahagarikwa ari izanditseho aya matariki akurikira:
| Agaciro k’inoti | Itariki yakozweho |
| 500 FRW | 01.07.2004 na 01.01.2013 |
| 1000 FRW | 01.07.2004 na 01.05.2015 |
| 2000 FRW | 31.10.2007 |
| 5000 FRW | 01.04.2004 na 01.02.2009 |
Amabwiriza n'amatariki ntarengwa yo kuzihinduza
Banki Nkuru y’u Rwanda yashyizeho uburyo bworoshye bwo guhindura izi noti mu byiciro bibiri:
Kuwa 2 Werurwe 2026 kugeza ku wa 1 Ugushyingo 2026: Abafite izi noti bashobora kuzihinduza mu bigo by’imari byose (Banki na Microfinance) bibegereye mu gihe cy’amezi 9.
Kuwa 1 Ugushyingo 2026 kugeza ku wa 1 Werurwe 2027: Muri iki gihe, inoti zizajya zihindurizwa gusa ku cyicaro gikuru cya BNR i Kigali (Kiyovu) cyangwa mu mashami yayo mu ntara.
Icyitonderwa: Nyuma y'itariki ya 1 Werurwe 2027, izi noti ntizizongera kwemerwa na busa mu bucuruzi cyangwa mu kwishyurana mu Rwanda.
No comments