Amateka muri BK Arena: U Rwanda rwizeye umwanya ku mukino wa nyuma wa Afurika muri Volleyball

Ku nshuro ya 47 y’irushanwa rya CAVB Men’s Club Championship, u Rwanda rwanditse amateka adasanzwe. 

Bwa mbere mu mateka y’uyu mukino, u Rwanda ruzagira ikipe ikina umukino wa nyuma nyuma y’uko amakipe yarwo abiri, REG VC na Police VC, ageze muri ½ cy’iri rushanwa.

Uko imikino ya ¼ yagenze muri BK Arena 

Kuri uyu wa Kane, tariki ya 30 Mata 2026, habaye imikino y’ishiraniro yemeje amakipe ane ya mbere muri Afurika:

• REG VC vs KPA VC: REG VC yatsinze Abanyakenya ba Kenya Ports Authority amaseti 3-1 (26-28, 18-25, 25-17, 26-28).

• Police VC vs Kepler VC: Mu mukino w’ishiraniro witabajweho seti ya kamarampaka, Police VC yatsinze Kepler VC amaseti 3-2 (25-27, 25-19, 24-26, 25-19, 15-9).

• Petrojet SC vs Port Autonome De Douala: Petrojet yo mu Misiri yatsinze amaseti 3-1.

• Al Ahly SC vs Fath Union Sport: Al Ahly SC yageze muri ½ isezereye FUS yo muri Maroc ku maseti 3-0.

Agahigo ku batoza n’amakipe 

Umutoza wa Police VC, Musoni Fred, yabaye Umunyarwanda wa kabiri ugejeje ikipe muri ½ cy’iri rushanwa nyuma ya Fidel Nyirimana. Ibi bivuze ko u Rwanda ruzasoreza ku mwanya wa mbere cyangwa uwa kabiri, mu gihe agahigo k’ibihe byose hari ak’umwanya wa gatatu kegukanywe na Gisagara VC mu 2022.

 Joy-Lance Mickels yanditse amateka muri Azerbaijan: Sabah Baku yegukanye Shampiyona, uyu Munyarwanda aba na rurangiza w’ibitego