VETO MURI LONI: u Burusiya n’u Bushinwa babangamiye umwanzuro wo kohereza ingabo muri Hormuz

 

Akanama k’Umuryango w’Abibumbye gashinzwe Umutekano ku Isi (UN Security Council), kananiwe kwemeza umwanzuro wo kohereza ingabo zo kurinda umutekano w’ubwato mu muhora wa Hormuz, nyuma y’uko u Burusiya n’u Bushinwa bukoresheje uburenganzira bwo guhagarika uwo mwanzuro (Veto).

Nubwo ibihugu 11 muri 15 bigize aka kanama byari byemeje uyu mwanzuro wafatiwe muri Bahrain, ijambo rya nyuma ry’ibihugu bifite ubudahangarwa (Permanent Members) ryabaye imfabusa kuri uyu mushinga wari ugamije gufungura inzira y’ubukungu bw’isi.

Impamvu z’uku kutumvikana muri Mata 2026:

• Uruhande rw’u Burusiya n’u Bushinwa: Ambasaderi Vassily Nebenzia (u Burusiya) na Fu Cong (u Bushinwa) bagaragaje ko umwanzuro wari "ubogamiye kuri Amerika" kandi ukaba wari ugamije gushyira igitutu kuri Iran gusa, mu gihe nyamara na yo ivuga ko yagabweho ibitero.

• Impungenge z’Abarabu (UAE): Leta Zunze Ubumwe z’Abarabu zagaragaje ko uyu mwanzuro utemejwe ari "inkuru mbi" ku bukungu bw’isi, kuko nta gihugu gikwiye kugira uburenganzira bwo gufunga inzira ifasha isi yose.

• Imyitwarire y’ibindi bihugu: Colombia na Pakistan byo byahisemo kwifata (Abstain), mu gihe ibihugu 11 byari bishyigikiye ko ingabo zijyayo vuba na bwangu.

Isesengura rya Inganjinews 

Uku kutumvikana muri Loni kugaragaje ko "Intambara y'Ubutita" (Cold War) nshya muri uyu mwaka wa 2026 ikomeje. Kuba u Burusiya n'u Bushinwa bugaragaje ko bushyigikiye Iran, bishobora guha Iran akanyabugabo ko kutayegurira igitutu cya Trump. Kuri twe mu Rwanda n’ahandi ku isi, ibi bivuze ko ibyago by’uko amato ya peteroli akomeza guhagarara muri Hormuz byiyongereye, bityo n’ibiciro by’ibicuruzwa bikaba bishobora gukomeza gutumbagira.

SOMA: AKAGA MURI ANGOLA: Imyuzure yahitanye abantu barenga 30, abasaga 34,000 bava mu byabo