AKAGA MURI ANGOLA: Imyuzure yahitanye abantu barenga 30, abasaga 34,000 bava mu byabo

 

Imvura idasanzwe yaguye mu gihugu cya Angola yateje imyuzure ikaze yahitanye abantu bagera kuri 33 (hakurikijwe imibare ya vuba), mu gihe abandi basaga 34,000 bamaze kugiraho ingaruka n’uwo mwuzure banyanyagiye mu bice bitandukanye by’igihugu.

Uyu mwuzure wibasiye cyane umurwa mukuru Luanda n’umujyi wa Benguela uherereye mu burengerazuba, ukaba wangije bikabije ibikorwaremezo birimo imihanda, ibiraro, amashanyarazi, n'inzu z'abaturage zashanditse.

Imibare y’abagizweho ingaruka n'aho baherereye:

• Umujyi wa Benguela: Ni wo wibasiwe cyane, aho abantu 23 bahaburiye ubuzima.

• Luanda: Mu murwa mukuru hamaze kuboneka imirambo y'abantu batandatu (6).

• Cuanza-Sul: Radio Solidária yatangaje ko muri iyi ntara yo mu Burengerazuba bwo hagati hamaze gupfa abandi bantu bane (4).

Icyemezo cya Perezida n’Inzego z’ubutabazi: 

Perezida wa Angola, João Lourenço, yatangaje ko leta iri gukora ibishoboka byose "kubura hasi kubura hejuru" kugira ngo itabare abaturage bagihuye n’akaga, cyanecyane ibajyana kwa muganga no kubashakira aho gucumbika by’igihe gito. Urwego rushinzwe ubutabazi no kurwanya inkongi ruri mu gikorwa cyo gushakisha ababa barengewe n'amazi cyangwa inzu.

Isesengura rya Inganjinews 

Iyi myuzure y’i Luanda muri Mata 2026 ije yibutsa ko ibyago bishingiye ku miterere y’ikirere bidategura. Ingaruka ku bantu 34,000 ni umubare munini ushobora guteza izindi ndwara nk'icyorezo cya Korera cyangwa inzara mu gihe ubufatanye mpuzamahanga butaba bwihuse. Kuri twe mu Rwanda, ibi ni isomo ryo gukomeza kubaka imijyi ifite imiyoboro y'amazi ihamye n'inzego z'ubutabazi ziteguye guhangana n'ibihe nk'ibi by'imvura idasanzwe.

SOMA: ISEZERA MU KWANDIKA: Google yasohoye 'AI Edge Eloquent' ihindura amajwi mu nyandiko idafite amakosa