BYARENZE IMYAKA 8: Clapton Kibonge yasezeranye imbere y’Imana na Mutoni Jacky i Nyagatare

 

Ikipe ya Etoile de l’Est yateye intambwe ikomeye igana mu Cyiciro cya Mbere nyuma yo gutsinda Muhazi United ibitego 2-0 mu mukino ubanza wa 1/4 cya Play-offs, wabaye kuri uyu wa Gatandatu, tariki ya 4 Mata 2026, kuri Stade ya Ngoma.

Uyu mukino wari utegerejwe n’imbaga y’abakunzi b’umupira w’amaguru mu Burasirazuba, witabiriwe n’abayobozi bakuru barimo Perezida wa FERWAFA, Shema Fabrice, n’abayobozi b’Uturere twa Kayonza, Kirehe, Ngoma na Rwamagana.

Muhoza Daniel: Inyenyeri nshya y’i Ngoma

Umukino wihariwe n’umusore w’imyaka 18 gusa, Muhoza Daniel, watsinze ibitego byose bibiri (2-0) byatunguye Muhazi United.

• Umutoza Nkotanyi (Etoile): Yashimangiye ko bakoresheje uburyo bwo kwihuta (Counter-attacks) no gutera mu izamu kenshi, bikaba bibahaye icyizere gihamye cyo kuzatsinda n’umukino wo kwishyura tariki ya 18 Mata.

• Umutoza Fidèle (Muhazi): Yemeye amakosa yakozwe n’abakinnyi be, ariko ashimangira ko gukinira kure y’abafana babo (Away from home) byabagizeho ingaruka ku kigero cya 60%.

Umutego w’ibiciro ku bafana

N’ubwo umukino wari uryoshye, ikibazo cy’ibiciro byo kwinjira cyateje akaduruvayo n’imyigaragambyo itagaragara mu bafana:

1. Imyanya y’Icyubahiro (VVIP): 10,000 Frw.

2. Ahatwikiriye: 5,000 Frw.

3. Ahasigaye hose: 3,000 Frw.

Ibi biciro byatunguranye kuko ubusanzwe mu Cyiciro cya Kabiri kwinjira ari ubuntu cyangwa 500 Frw. Abafana benshi baheze hanze, bamwe bahitamo kurira ibiti n’igipangu cya Stade kugira ngo bibeberemo umukino.

“Ntabwo byumvikana ukuntu umukino wo mu Cyiciro cya Kabiri bawishyuza 3000 Frw... rwose ni ukutubuza kureba umupira.” – Uwimana Charlotte (Umufana).

Uko indi mikino ya 1/4 yagenze:

• Intare FC 2-0 Sina Gerard FC

• Nkombo FC 0-1 Sunrise FC

• Espoir FC 1-1 Unity FC

SOMA: 

BYARENZE IMYAKA 8: Clapton Kibonge yasezeranye imbere y’Imana na Mutoni Jacky i Nyagatare