MASISI: Drone ya Leta ya RDC yarashe mu gace katuwe i Nyabiondo

 

Umutekano mu gace ka Nyabiondo muri Teritwari ya Masisi wahungabanye kuri uyu wa Gatatu, tariki ya 8 Mata 2026, nyuma y’uko indege itagira umupilote (Drone) y’ingabo za Leta ya Congo (FARDC) irashe muri ako gace kagenzurwa n’ihuriro AFC/M23.

Iki gitero cyabaye saa kumi za nimugoroba (16h00), kije mu gihe kibi cyane, kuko habura iminsi mike gusa ngo impande zombi zihurire i Doha muri Qatar mu cyiciro gishya cy’ibiganiro by’amahoro.

Ingaruka z’iki gitero nk’uko bitangazwa na AFC/M23:

• Kwangiza amazu: Itangazo rya AFC/M23 rivuga ko iki gitero cyagabwe mu gace gatuwe cyane, kigasenya amazu y’abasivili inzirakarengane.

• Kurenga ku ihagarikwa ry’imirwano: AFC/M23 ishinja ubutegetsi bwa Kinshasa gukomeza kurenga ku masezerano yo guhagarika imirwano yari yarumvikanyweho.

• Ikibazo cy’imfungwa: Muri iri tangazo, iri huriro ryamaganye ibyo ryise "kwinangira" kwa Leta ya Kinshasa yanze kurekura abayoboke ba AFC/M23 bafungiye mu magereza atandukanye muri DRC binyuranyije n’amategeko.

Isesengura rya Inganjinews 

Iki gitero cy’i Nyabiondo gishobora kuba "ikibuza no gutinz igihe" (sabotage) ku biganiro by’i Doha. Mu mateka ya gisirikare, iyo uruhande rumwe rurashe urundi habura iminsi mike ngo baganire, biba bigamije kwerekana imbaraga cyangwa gushaka impamvu yo gusubika ibiganiro. Abasivili Ni bo bahora bageraniwe  n'akaga n’intambara batari bazi inkomoko yazo muri uyu mwaka wa 2026.