INTAMBARA Y’IKORANABUHANGA: CIA yinjiriye terefone z’abayobozi ba Iran kugira ngo irokore umupilote wa F-15

 

Amakuru mashya yatangajwe n’ikinyamakuru BRICS News kuri uyu wa Mbere, tariki ya 13 Mata 2026, aremeza ko ikigo cy’ubutasi cya Amerika (CIA) cyakoresheje amayeri akomeye y’ikoranabuhanga kugira ngo kirokore umupilote w’indege y’intambara yo mu bwoko bwa F-15 yari yahanuriwe muri Iran.

Uko ayo mayeri (Deception Campaign) yakozwe:

• Gukoresha Pegasus: CIA bivugwa ko yakoresheje porogaramu y’ubutasi izwi nka 'Pegasus' ikinjira mu matelefone y’abayobozi b’ikirenga b’umutwe w’ingabo za Iran (IRGC).

• Ubutumwa bw’ibinyoma: CIA yoherereje abasirikare ba Iran ubutumwa bugaragaza ko uwo mupilote yamaze kubonwa n'abandi basirikare ba Iran, mu rwego rwo gutuma IRGC ihagarika gushakisha.

• Intego: Aya mayeri yari agamije guha Amerika umwanya n’ituze byo gushaka uburyo bwakoreshwa mu kurokora uyu mupilote mbere y’uko Iran imufata ikamugira imbohe.

Isesengura rya Inganjinews: "Pegasus nk’intwaro y’intambara"

Porogaramu ya Pegasus yari isanzwe izwiho gukoreshwa mu butasi bwo kugenzura abantu (surveillance), ariko kuyikoresha mu kohereza ubutumwa bw'ibinyoma (Fake Messages) muri terefone z’umwanzi ni intambara nshya. Ibi birerekana ko muri uyu mwaka wa 2026, umubano w’ibihugu utagishingiye gusa ku mbunda, ahubwo n’ukubasha kwinjira mu itumanaho ry’umwanzi ukayobya imigambi ye.

Ibi biratwibutsa akamaro ko gukaza umutekano w’ikoranabuhanga (Cybersecurity), cyanecyane ku nzego z’umutekano n’iz’ubuyobozi, kuko ubutumwa ubonye kuri terefone yawe bushobora kuba buturutse ku mwanzi bushaka kukuyobya.