Diamond Platnumz yateguje igitaramo gikomeye i Kigali muri ‘Retro Tour’

 

Umwami wa Bongo Flava, Nasibu Abdul Juma Issack uzwi nka Diamond Platnumz, yemeje ko agiye kugaruka i Kigali mu gitaramo cy’amateka giteganyijwe ku wa 29 Kanama 2026. Iki gitaramo ni kimwe mu bigize urugendo rw’ibitaramo ari gukorera mu bihugu binyuranye yise ‘Retro Tour’.

Ingengabihe ya Retro Tour muri 2026:

• Mata: Atangirira i Mwanza (Tanzania) ku wa 25 Mata, agakomereza i Dodoma na Mbeya.

• Kamena: Azataramira muri Uganda ku wa 5 Kamena.

• Nyakanga/Kanama: Azanyura muri Maroc, Arusha, na Tarime mbere yo kugera mu Rwanda.

• Nyuma y'u Rwanda: Azakomereza muri Zambia na Australia.

Diamond n’u Rwanda: Ubushuti n’Umuziki 

Diamond Platnumz ntabwo ari mushya i Kigali. Kuva mu 2015 ubwo yahataramiraga bwa mbere, yahubakiye amateka akomeye. Yashimangiye umubano we n’abahanzi nyarwanda binyuze mu ndirimbo zagiye zikundwa cyane nka:

• Mico The Best (Indirimo 'Amabunzo')

• The Ben (Indirimbo 'Why')

• Bruce Melodie (Indirimbo 'When She's Around')

Uyu muhanzi aheruka kugaragara i Kigali mu 2023 mu birori bikomeye bya Trace Awards na Giants of Africa, aho yerekanye ko ari "Simba" (Intare) itajya itenguha abafana bayo.

Isesengura rya Inganjinews: "Umuziki nk’umusemburo w’ibyishimo"

Muri uyu mwaka wa 2026, aho amakuru menshi ari kugaruka ku ntambara ya Amerika na Iran cyane cyane mu bijyanye n'izamuka rya peteroli, amakuru nk'aya ya Diamond Platnumz aza nk'ihumure ku rubyiruko n'abakunzi b'umuziki. Ibitaramo nk'ibi binagira uruhare mu guteza imbere ubukerarugendo n'ubucuruzi bw'imbere mu gihugu, dore ko bwinjiza amadevise aturutse ku banyamahanga baza kwihera ijisho uyu muhanzi.

Kuba Diamond yarahisemo u Rwanda muri iyi 'Tour' ye, birerekana ko Kigali ikomeje kuba icyicaro cy’imyidagaduro muri Afurika y’Iburasirazuba.

 REG: Amashanyarazi azabura mu bice bitandukanye by’igihugu guhera ku wa 15 Mata 2026